Pódpěru dostaś

Móžośo pódpěru na websedle LibreOfficeDev namakaś.

Za pśeglěd wó aktualnych pódpěrowańskich słužbach cytajśo dataju Readme w zarědniku LibreOfficeDev.

Lokalne boki pomocy we wašej rěcy

Lokalizaciske projekty LibreOfficeDev boki pomocy w někotarych rěcach póbituju. Namakajośo pśeglěd wó maminorěcnych projektach na websedle LibreOfficeDev. Pomoc a pódpěru w engelskej rěcy namakajośo teke na websedle LibreOfficeDev.

Rozesyłańske lisćiny

Stajśo pšašanja wó LibreOfficeDev, namakajśo pomoc wót dobrowólnikow a diskutěrujśo temy na zjawnych rozesyłańskich lisćinach. Móžośo wjele powšyknych a specializěrowanych rozesyłańskich lisćinow na websedle LibreOfficeDev na www.libreoffice.org namakaś.

Forum

Móžośo teke pśistup k webforumam dostaś, aby pšašanja wó LibreOfficeDev stajił abo na nje wótegronił. Wubjeŕśo Pomoc – Pomoc online wobstaraś, aby forum w swójej rěcy wócynił.

Wěstota

Jolic se mysli wó wěstotnem problemje pśi wužywanju toś teje softwary gótujośo, móžośo se z wuwijarjami na zjawnej rozesyłańskej lisćinje do zwiska stajiś. Jolic cośo problemy z drugimi wužywarjami diskutěrowaś, sćelśo mejlku na zjawnu rozesyłańsku lisćinu users@global.libreoffice.org.

Ześěgnjenja

Móžośo aktualnu wersiju LibreOfficeDev wót www.libreoffice.org/download/ ześěgnuś.

Dokumentacija

Móžośo dokumentaciju ako PDF-dataje, rozpokazanja a pśirucki z websedła dokumentacije LibreOfficeDev na documentation.libreoffice.org ześěgnuś. Móžośo teke websedło dokumentacije pśez Pomoc – Wužywaŕske pśirucki wočinić.

Wobźělśo se a pśinosujśo něco

Jolic cośo aktiwnu rolu w swětadalokim zgromaźeństwje LibreOfficeDev graś, móžośo rady swóje měnjenja k wěsći daś, funkcije diskutěrowaś, pólěpšenja naraźiś, swójski nastawk za cesto stajone pšašanja, rozpokazanje, pśirucku pisaś abo wideorozpokazanje napóraś atd.

Visit the Get involved page on the website and follow the links for contributors.